Punto limpo de tapadillo

Iniciativa polo Morrazo acusa ó Goberno Municipal de convertir os alrededores do cuartel da Garda Civil nun verquedoiro de lixo incontrolado no centro do pobo.

Durante a última corporación fíxose un esforzo importante por recuperar unha zona degradada e que fora convertida nun vertedoiro de todo tipo de escombros, situada na parcela do cuartel da garda civil, próxima os colexios, as praias e lindando coa senda fluvial do río da Fraga, e que quedou limpa e acondicionada para ser utilizada como aparcadoiro provisional.

Nos últimos meses esta zona está sendo utilizada polo concello de novo para depositar alí todo tipo de restos: limpeza de praias, podas, obras e agora xa se poden ver alí:
Entullos de obra, electrodomésticos, mobles , neumáticos…. Dando un mal exemplo e convidando a que se tire alí todo o lixo, co cal o que se conseguira de respecto hacia esa zona quedou neste momento invalidado.

Dita zona linda ademáis co inicio da ruta sendeirística do río da fraga, que é utilizada por moitas persoas, tanto veciños como visitantes, co cal a impresión resultante resulta penosa para aquelas persoas que se achegan a Moaña a disfrutar dunha ruta de gran valor.

Por estas razóns é polo que instamos ó goberno municipal a limpeza inmediata de dito entorno, e a absterse no futuro de volver a utilizar estes terreos, con este fin.